КАТАЛОГ МІНІ-МУЗЕЯ (азнаёміцца тут)
Міні‑музей «КазкаГрад» створаны як жывая прастора, дзе дзіця не толькі знаёмяцца з беларускай культурай, але і становяцца яе актыўным носьбітам.
У аснове - ідэя пагружэння ў свет народных казак, традыцый і мовы праз гульню, творчасць і даследаванне. Унікальнасць міні-музея ў тым, што ён аб’ядноўвае традыцыйныя формы работы з сучаснымі інтэрактыўнымі тэхналогіямі, ствараючы сапраўды «дзіўны свет дзяцінства».
Мэта: стварэнне ўмоў для фарміравання маральных уяўленняў, засваення маральна-этычных нормаў, павагі да роднай мовы, далучэння да агульначалавечых і гуманістычных каштоўнасцей дзяцей дашкольнага ўзросту падчас азнаямлення з творамі беларускага фальклору і арганізацыі тэатралізаваных гульняў па іх змесце.
Задачы:
1. Развіццё моўнага асяроддзя: арганізацыя заняткаў, накіраваных на вывучэнне і прымяненне беларускай мовы праз дыдактычныя і сюжэтна-ролевыя гульні.
2. Пагружэнне ў нацыянальную культуру: азнаямленне дзяцей з народнымі казкамі, песнямі, традыцыйнымі фальклорнымі сюжэтамі і тэатралізаванымі пастаноўкамі.
3. Стварэнне інтэрактыўных магчымасцяў: фарміраванне адукацыйных прастор, якія дазваляюць актыўна далучаць дзяцей і бацькоў у працэс вывучэння мовы і культуры.
4. Фарміраванне маральных каштоўнасцей: развіццё ў дзяцей патрыятызму, павагі да нацыянальных традыцый, выхаванне пачуццяў дабрыні, гасціннасці і сумленнасці.
Экспазіцыя міні‑музея налічвае каля 70 экспанатаў, якія пастаянна абнаўляюцца і папаўняюцца. Змяняюцца толькі асобныя дэкаратыўныя элементы. Складзены каталог экспанатаў міні-музея. Інтэр’ер музея пастаянны. Значная частка прадметаў створана сумесна з бацькамі, што павышае каштоўнасць і жывую сувязь музея з сям’ёй. Разнастайнасць экспанатаў дазваляе арганізоўваць мноства відаў дзейнасці - ад тэатралізацыі да даследчых гульняў.
Экспазіцыі аформлены ў адзіным стылі з выкарыстаннем беларускіх арнаментаў, натуральных матэрыялаў і тэматычных дэкарацый. Кожны экспанат мае падпісаную картку з назвай і прызначэннем. Інтэрактыўныя элементы ўключаны ў прастору так, каб стымуляваць даследчую актыўнасць дзяцей.
Афармленне экспазіцый грунтуецца на прынцыпах:
1. Бяспекі і даступнасці;
2. Эстэтычнасці і нагляднасці;
3. Захавання нацыянальнага стылю;
4. Лагічнай структуры і тэматычнасці.
Экспанаты размешчаны так, каб наведвальнікі маглі свабодна ўзаемадзейнічаць з імі.
Структура міні-музея: “Беларуская хата”, “Поле”, “Чароўны лес”, “Тэатр казак”, літаратурна‑адукацыйны куток, інтэрактыўны куток.
У міні‑музеі «КазкаГрад» гасцей сустракае казачны персанаж Васілінка – добразычлівая захавальніца музейных таямніц. Яна суправаджае дзяцей падчас наведвання экспазіцыі, стварае атмасферу цуду і дапамагае адкрываць свет беларускай казкі праз гульню, пытанні і маленькія сюрпрызы.
раскрыть » / « свернуть